عودة على مباراة الترجي و امل حمام سوسة
نزل فريقنا ضيف على امل حمام سوسة و اعتمد المدرب نبيل معلول على الخطة المعهودة ليه 4 2 3 1 بالاعتماد على غيث الوهابي و معتز الزدام كثنائي متوسط ميدان امامهم بوقرين الهوني و شرارة عاى الاجنحة و بن حمودة كمهاجم صريح بداية المباراة كان النسق فيها بطيئ من الترجي الي استحوذ على الكورة لكن كان فما بطئ في التحول من الدفاع الى الهجوم نظرا للغياب لكل من بن رمضان و الشعلالي ماشفناش برشا فرص الي كانت تقريبا على محاولات فردية من الهوني او شرارة الي ماكانوش في يوم كبير و الكورة الوحيدة الي تستحق الذكر هي اللقطة الي فيها ضربة جزاء على الزدام لكن كان للحكم رأي اخر شوط شفنا فيه ثقل كبير من الزدام و الوهابي في بناء الهجمة و تراجع بوقرين تقريبا لنفس المنطقة. الي فيها ثنائس الوسط خلى تباعد كبير بين الخطوط و خاصة مع الوقوف الصحيح للاعبين الامل في الشوط الثاني نفس المشاكل تواصلت غياب الاجنحة و العمق الهجومي تسرع في بعض العمليات من بن حمودة حتى دخول عبيد و بن عياد ما عطاش الحلول للفريق تقريبا فرصة. وحيدة من الوهابي على كرة كان احسن التعامل معها كنا نخرجو بنقاط المباراة.
ملاحظات: دقدوق قدم مستوى جيد في المحور خاصة في التغطية. و الخروج بالكورة مع مراجعة الكرات الطويلة. العشوائية عكس هاني عمامو الي ظهر بمستوى متذبذب و اخطاء خاصة في الخروج بالكورة
رائد بوشنيبة بدا ياخو في ثقة المدرب لاعب عندو مايقول و يعرف شيعمل بالكورة انشاالله يزيد يكمل يخدم
بن حميدة هجوميا مانجموش نستناو اكثر من هكا
الزدام تاثر برشا باستفزاز الجماهير و الشتم و ماكانش في نهار كبير
غيث الوهابي ممتاز في استعادة الكورة لكن لازم خدمة في بناء الهجمة و التمركز
بن حمودة نقص في التركيز و كيفية التعامل مع الوضعيات الهجومية على كل في ارضية ميدان صعيبة مع غياب ركائز وسط الميدان و الدفاع الترجي ماعماش ماتش كبير و يخسر نقطتين و انشاالله التوقف للمونديال يكون فرصة باش الاطار الفني يكمل في اعداد الفريق للاستحقاقات القادمة مع تدعيم الرصيد البشري في المركاتو الشتوي